Os Makers e a Industria 4.0.
Os makers caracterízanse por ser persoas cunha creatividade moi potenciada e unha gran capacidade de resolución de problemas. Con todo, cando queren enfocar os seus proxectos ao mercado, ou colaborar con algunha empresa, moitas veces atópanse con problemas xa que non teñen as ferramentas nin a axuda adecuada para levalos a cabo.
Para iso, este ano durante a xornada profesional, levarase a cabo unha mesa onde varias aceleradoras achegarán o seu punto de vista sobre o ecosistema maker e a súa colaboración coa industria, contándonos como poden actuar de ponte entre ambos mundos, axudando a estes makers a sacar adiante os seus proxectos e a vivir do que máis lles gusta.
Nesta mesa contaremos con Jorge Gómara, Responsable de Business Factory Auto, Gerard Graza, Head of Dixital Garage en Estrela Galicia e Nicolás Troncoso, Director de Innovación de Kaleido. Inés Lusquiños, Responsable de Comunicación de Startup Galicia moderará esta mesa que promete ser moi produtiva.
Podes ver o programa completo da xornada aquí.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Mesa de aplicacións tecnolóxicas na industria 4.0.
Este ano teremos na xornada profesional unha mesa de aplicacións tecnolóxicas na industria 4.0.
Nos últimos anos estamos a vivir unha revolución tecnolóxica que esta cambiando totalmente a maneira na que se fan as cousas e que se coñece como a industria 4.0. Dentro desta revolución, hai varias tecnoloxías que son a súa cabeza visible como a impresión 3D, a intelixencia artificial ou o Big Data. Con todo, as aplicacións desas tecnoloxías na industria aínda están nunha fase inicial.
Para axudarnos a ver máis posibilidades destas tecnoloxías contaremos coa presenza de Zoe Powell, deseñadora téxtil especializada na creación de biomateriais e membro de Materiom, Gianluca Pugliese, da empresa Wasp, a cal creou unha impresora 3D capaz de imprimir casas por menos de 1000 euros e Juan Marchan de Safran Group, quen nos falará de como podemos predicir o faio mecánico mediante redes neuronais.
Podes ver o programa completo da xornada aquí.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Stiven Kerestegian e o positivismo do Design Thinking
Stiven Kerestegian é un deseñador, estratega en innovación e empresario social que naceu en Chile, creceu nos Estados Unidos e actualmente vive en Copenhague.
Xefe de Innovación e Estratexia do CIID (Copenhagen Institute of Interaction Design) e cofundador en Chilote Shoes (www.chiloteshoes.com) liderou, entre outras, a estratexia e implementación de innovación aberta na maior empresa de xoguetes do mundo, LEGO®. Tamén traballou en corporacións influentes como Microsoft ou Kodak e varias consultorías especializadas en deseño e innovación. Ademais, Stiven desenvolveu decenas de produtos e servizos de consumo para mercados globais. A súa carteira de proxectos varía desde o deseño de produtos de hardware, aplicacións de software, ata plataformas de innovación social ou aberta. O compromiso de Stiven e, sobre todo, as súas metodoloxías mostran o cambio de papel do deseñador e o desafío educativo e cultural ao que se enfronta unha sociedade cada vez máis tecnolóxica e competitiva. “O meu defecto de fábrica é o optimismo. O meu propósito é potenciar un impacto positivo nas interseccións das persoas e planeta, tecnoloxía e negocios. Gozo de sintetizar a complexidade en solucións simples e significativas”, asegura.
Stiven ofrecerá unha charla o próximo 23 de novembro na Xornada Profesional da Maker Faire Galicia, onde falará sobre a importancia do Design Thinking, a innovación baseada no deseño, e a evolución cara a unha sociedade transmedia.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
 
Regemat: a impresión 3D de tecidos biolóxicos
Regemat é o novo proxecto de BRECA Health Care para o desenvolvemento da bioimpresión, unha nova disciplina dedicada á impresión 3D de tecidos.
Desde 2011 traballan con centros de investigación en máis de 20 países, especializados en diferentes aplicacións de rexeneración da cartilaxe e pel, ata a creación de modelos vivos para o desenvolvemento de fármacos. Son os primeiros españois especializados neste campo.
José Manuel Baena, CEO da empresa BRECA Health Care, asegura que o obxectivo é pasar da fase de cultivo 2D á 3D. “Este é un novo sector que está a evolucionar moi rápido. Os biomateriais son o futuro da medicina rexenerativa”, afirma.
Regemat participa este ano na Xornada Profesional da Maker Faire Galicia, onde Manuel Figueruela García e Miguel Fernández Doblas ofrecerán unha charla sobre bioimpresión, acompañados por Carmen Álvarez, licenciada e doutora en Farmacia pola Universidade de Santiago de Compostela, institución que conta cunha das impresoras 3D de tecidos de Regemat, a cal poderemos ver en funcionamento durante a xornada profesional do 23 de novembro.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Campionato Nerdy Derby!
Comor? Ein? WTF!
Si, iso é exactamente o que pensamos nós cando a xente de FabLab Xtrene Almendralejo nos dixo que querían traer isto á Maker Faire Galicia. Despois vimos este vídeo e fixémonos fans.
Para participar só tedes que achegarvos polo seu posto, que se atopará na planta inferior do Museo Centro Gaiás, e apuntarvos nalgunha das diferentes competicións que van levar a cabo durante o sábado e o domingo. Estade puntuais que as prazas seguro que voan!
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Makers & Youtubers
Unha das mesas con máis visualizacións desta edición será, sen dúbida, a destes makers que ademais de facer cousas comunícanas en Youtube.
Para a ocasión reunimos un elenco moi pero que moi top. Contaremos con César de La Hora Maker, Óscar de Bricogeek e Miguel Ángel Salmerón de The Maker 3DP. Pero iso de momento, porque se cadra temos algunha sorpresa máis preparada.
Xa sabedes, o domingo 25 ás 16:30 tedes unha cita para coñecer un pouco mellor a algúns dos makers máis mediáticos do panorama nacional.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Obradoiro de Biomateriais – Maker Faire Galicia 2018
Se che gusta a experimentación con novos materiais non te perdas os obradoiros que levarán a cabo o equipo de Materiom, composto nesta ocasión por Zoe e Lara, que virán exclusivamente dende Londres e Barcelona respectivamente para compartir o seu coñecemento.
Materiom é unha plataforma dixital internacional que ten como obxectivo permitir que todos, en todas partes, poidan participar da próxima xeración de materiais. Formada por unha comunidade global, Materiom ten a misión de compartir o “Libro de Receitas da Natureza”: un amplo receitario de materiais que utiliza, en gran medida, ingredientes accesibles e naturais, como poden ser a remolacha, salvia, cúrcuma, algas ou grans de café usados.
A sinxeleza e accesibilidade das súas receitas permite que calquera persoa poida facer plásticos e compostos desde a súa propia cociña, FabLab ou Makerspace e os procese ao seu gusto e necesidade. A familiarización cos mesmos convida a descubrir as propiedades e posibilidades destes materiais, así como a potenciar o seu uso en novas aplicacións. A creatividade enfocada sobre os mesmos será unha fonte de xeración de novos deseños e produtos que formen parte dun sistema de economías circulares.
A súa misión é a de promover a creación, experimentación, divulgación e utilización de materiais nutritivos e non produtores de residuos. O seu equipo e comunidade de deseñadores, científicos, enxeñeiros e artistas desenvolven, proban e adaptan localmente as receitas. Apoiados por organizacións e fundacións como EllenMcArthur Foundation, IDEO e Atlas of the Future, Materiom visualiza un mundo no que os plásticos fornecen os sistemas de vida en lugar de esgotalos.
O equipo de Materiom ofreceranos dous obradoiros de 2 h de duración cada un, onde poderedes convertervos nuns auténticos makers dos materiais.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Carreira subterránea de drons na Maker Faire Galicia 2018
Un ano máis, na Galicia Maker Faire, poderemos gozar dos vertixinosos drons de carreiras, esta vez nun espazo incrible escollido para a ocasión, o túnel da Cidade da Cultura.
O espectáculo terá lugar o sábado durante todo o día e poderase acceder pola rampla anexa ó Museo Gaiás. Os asistentes poderán ver durante a mañá como adestran os pilotos e na xornada de tarde o desenvolvemento da competición.
Os tres pilotos máis rápidos recibirán un premio honorífico de parte da organización durante a clausura do evento.
Así como se achegue o evento especificaremos os horarios definitivos neste post
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
A primeira Hebocon da Maker Faire Galicia
Este ano por primeira vez na Maker Faire Galicia, contaremos cunha Hebocon. Pero…sabedes o que é unha Hebocon?
O termo Hebocon ven da palabra xaponesa Heboi, que se utiliza para definir algo que tecnicamente ten algún problema ou é de baixa calidade. Estes robots adoitan facerse con material reciclado como motores, plásticos ou chatarra.
A primeira Hebocon disputouse en Xapón en 2014 e basicamente é unha competición de robots absurdos que compiten por parellas para ver cal dos dous permanece nun espazo determinado, como se se tratase dunha loita de sumo.
O interesante da Hebocon é que calquera, aínda que non teña ningún tipo de coñecemento técnico, pode participar, o que a fai unha actividade perfecta para achegar a tecnoloxía a todo tipo de públicos.
A primeira edición da Hebocon da Maker Faire Galicia levarana a cabo Luis Díaz e Julián Caro Linares e estará enfocada a familias as cales poderán desenvolver o seu robot durante a feira ou poderán traelo de casa.
Non sabemos que sairá de aquí, pero do que estamos seguros é de que os participantes o pasarán en grande XD
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.
Programa Maker Faire Galicia 2018
O programa da Maker Faire Galicia 2018 é sen dúbida o máis completo de todas as edicións. Nel destacan os máis de 25 obradoiros para todas as idades, os eventos integrados coma Galstech ou NOSOS ou as máis de 20 charlas e mesas previstas durante as dúas xornadas do evento nos diferentes espazos.
As inscricións ós obradoiros realizaranse durante a propia feira, no espazo de celebración do mesmo, a partir das 10h da mañá. A asistencia ás charlas e mesas de debate será sen inscrición previa e ata completar aforo, salvo no caso do NOSOS como se indica no programa.
Todos os obradoiros e charlas do programa oficial son totalmente gratuítos para menores de 14 e maiores de 65 anos. No resto dos casos, o custo da entrada á feira será de 5€, sendo válida para as dúas xornadas e incluíndo todas as actividades anteriormente citadas.
Algunhas indicacións:
– Para os obradoiros de Plexus, EchidnaShield, Google Asistant e IOT é necesario acudir co teu portatil.
-Para o obradoiro de EchidnaShield tes que ter instalados os seguintes programas:
IDE de ARDUINO
Snap4Arduino
– Se estás interesad@ no obradoiro de Google Asistant requírese que teñas coñecementos de programación básica en JavaScript/TypeScript, unha conta de GMail/Google/G Suite e algún coñecemento de Arduino.
Tamén deberás inscribirte a través deste formulario e esperar a recibir a confirmación de selección.
-Se estás interesad@ no obradoiro de IOT é necesario que teñas un coñecemento básico de Arduino.
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.