Yago Seijo na Maker Faire Galicia 2018

Continuamos coas charlas da Maker Faire Galicia 2017! Yago Seijo explica como el e a súa familia son, dende fai décadas, uns auténticos makers do son!

Gianluca Pugliese en Maker Faire Galicia 2017

Aquí tedes a primeira das charlas que tivo lugar na pasada edición da Galicia Maker Faire! O protagonista: Gianluca Pugliese, un dos referentes da impresión 3D en España.

Vídeo resumo Maker Faire Galicia 2017

E aquí está!!!! Por fin podemos revivir a Maker Faire Galicia 2017!!! Un ano máis puidemos desfrutar do Movemento Maker, a divulgación científica, a artesanía, a cultura urbana e a innovación en múltiples ámbitos! Moitas grazas a todos por compartir con nós un ano máis este evento e moitas grazas a voluntarios, makers, minimakers, partners e participantes que fixeron posible a Maker Faire Galicia 2017. Vémonos de novo en novembro!

Xornada Industria 4.0

Este ano adicamos por primeira vez unha xornada dirixida únicamente ao sector profesional, na que contaremos con referentes a nivel internacional no ámbito da innovación. A cita terá lugar na mañá do 24 de novembro no Museo Centro Gaiás da Cidade da Cultura de Galicia.

Charlas e mesas de debate que versan sobre a tecnoloxía, a innovación, a produtividade intelixente e o movemento maker conforman o groso dunha programación na que destacan, entre outros, os relatorios de Tomás Garces, Lead Design Engineer en First Build, proxecto referente na innovación a nivel mundial e que foi levado a cabo por General Electric; ou os de Arian Group e Edesdev, por citar só algúns. Ademais, haberá un espazo de exposición no que os asistentes poderán coñecer de primeira man exemplos da Galicia máis innovadora, coa presencia de makers galegos creadores de proxectos de innovación de referencia. O acto rematará cunha entrega de premios na que se resaltará ao proxecto máis innovador dos expostos durante ese día.

As empresas interesadas en asistir a esta xornada poderán inscribirse a través deste enlace, onde temos habilitado un formulario no cal, tras cubrir os seus datos, poderedes conseguir a vosa acreditación.

Buscamos que a xornada funcione como punto de encontro entre os makers e a industria máis avanzada, favorecendo a aparición de sinerxias que poidan levar a unha colaboración fluída entre estes dous mundos tan complementarios. As compañías poderán coñecer os proxectos tecnolóxicos máis innovadores levados a cabo por emprendedores e estes terán unha gran oportunidade de conseguir posibles partners.

Programa:

Richard Stallman na Galicia Maker Faire!

Coñecido como o “pai do software libre”, Richard Stallman ofrecerá unha charla dentro da programación da Galicia Maker Faire. 

Richard Stallman é unha das figuras máis significativas do movemento do software libre a nivel mundial, coñecido por ter creado en 1983 o sistema operativo GNU, actualmente parte de GNU/Linux, a primeira alternativa aos principais sistemas operativos propietarios: Windows e MacOS. Ten sido recoñecido con numerosos premios, entre os que destacan o premio Grace Hopper Award que entrega a Association for Computing Machinery por Emacs, tamén foi nomeado doutor honoris causa por varias universidades de todo o mundo e forma parte do Salón da Fama de Internet. Coa creación do sistema operativo GNU, sentou as bases do movemento do software libre, onde todo o mundo é libre de copiar ou distribuír o sistema, así como realizar cambios de maior ou menor magnitude. Actualmente o sistema GNU/Linux é utilizado por decenas de millóns de ordenadores. A través da súa fundación Free Software Foundation, Stallman busca concienciar á sociedade, e especialmente aos gobernos, para que utilicen o software libre tanto nas institucións como nas escolas públicas.

A charla de Richard Stallman será un dos pratos fortes desta terceira edición da Galicia Maker Faire, que ademais contará con numerosas actividades de divulgación e entretemento orientadas a tódolos públicos e disciplinas: obradoiros de innovación e creatividade, campionatos de drons, robótica, actuacións interactivas e moito máis.

Podes ver  e descargar a súa charla aquí.

Chamando aos Minimakers!

Aproveitando que comeza o cole lanzamos o noso Call for Minimakers para que os peques poidan expoñer as súas creacións na Maker Faire Galicia. Se eres nai, pai, profe ou amigo dalgún minimaker non dubides en inscribilo, haberá premios para os tres mellores miniproxectos.

Só tes que enviar un mail a makersgalicia@gmail.com co nome do proxecto, unha breve descrición do mesmo e unha foto (se está terminado xa), xunto cos datos persoais do autor ou autores. Non te olvides de dicirnos por qué debe ser elixido o teu proxecto!

Inscrición aberta a participantes individuais, grupos, asociacións, colexios, etc., menores de 14 anos.

Prazo de inscrición ampliado ao 30 de outubro!!!

Concurso “Robot peregrino”

Aínda que en Galicia o volume de makers por metro cadrado é enooooorme… makers hainos por todos lados, por iso este ano propoñemos o concurso “Robot peregrino”!! Fai que o teu robot maker “peregrine” por distintos sitios ata chegar á Cidade da Cultura de Galicia, onde celebraremos a próxima #MakerFaireGalicia en novembro!

Saca unha foto co teu robot, ben impreso en 3D, ben en 2D, en calquera sitio de España, e nós faremos que peregrine ata Compostela. O robot con máis me gusta en Facebook gañará un pack de produtos (camiseta, bolsa e póster) da Maker Faire Galicia!! 

Aberto o prazo de inscrición para participar na Galicia Maker Faire 2017

Xa temos activada a “chamada aos makers”!!!!

A Galicia Maker Faire volve este ano para consolidarse como punto de encontro da Galicia máis innovadora e colaborativa. O evento, pensado para tódolos públicos e disciplinas, reúne nunha sóa fin de semana aos “makers” ou “argalleiros” máis innovadores tanto da comunidade como de fóra, con proxectos que abranguen áreas tan diversas como a gastronomía, a electrónica, a mecánica, a robótica, a música, a ciencia, a arte urbana ou a artesanía, por citar só algunhas.

Dende hoxe temos dispoñemos na nosa web o formulario de inscrición de proxectos. O prazo remata o 30 de outubro, e de tódalas propostas achegadas faremos unha selección final que se incluirá no programa de actividades e contidos desta edición de 2017. A innovación, a orixinalidade e a interactividade co público son os aspectos que máis valoramos á hora de elixir os proxectos.

Como gran novidade desta terceria edición, o evento suma un día máis de programación, o venres 24 de novembro, que estará enfocado ao sector profesional, favorecendo que os expositores seleccionados poidan dirixir dun modo máis óptimo a súa oferta de produtos e servizos, diversificándose en función do diferente público obxectivo. Ademais, buscamos dar o salto internacional, para o que contaremos con poñentes e participantes de referencia a nivel mundial, provenientes dos Estados Unidos ou do Reino Unido entre outros, e cos que esperamos darlle unha visibilidade maior ao evento e, sobre todo, ás empresas e makers presentes na feira.

A Galicia Maker Faire vai ter lugar este ano no Museo Centro Gaiás da Cidade da Cultura de Galicia os días 24, 25 e 26 de novembro.

A Cidade da Cultura acollerá a terceira Galicia Maker Faire en Novembro!

24, 25 e 26 de novembro son as datas elixidas para a terceira edición da Galicia Maker Faire, que este ano vai ter lugar no Museo Centro Gaiás da Cidade da Cultura de Galicia, en Santiago de Compostela.

A Maker Faire é a maior feira de inventores do mundo, un escaparate para a creatividade e o enxeño, pensado para tódolos públicos e disciplinas: gastronomía, robótica, mecánica, ciencia, arte urbana, música, electrónica, artesanía, etc. Un lugar para compartir coñecemento, descubrir proxectos fascinantes e facer contactos profesionais.

Este ano o evento celebra a súa terceira edición consolidándose como a máis importante da península, tanto en número de makers como de asistentes, e situándose entre as cinco con máis visitantes de Europa, despois de grandes cidades como Roma e París.

Durante as edicións de 2015 e 2016 acudiron máis de 24.000 asistentes e máis de 300 makers expuxeron os seus proxectos, converténdose en punto de encontro dos mellores creadores da comunidade e axudando a potenciar unha Galicia máis innovadora e colaborativa.

Para esta edición de 2017, ademais do cambio de localización, o evento suma un día máis de programación, o venres 24 de novembro, que estará enfocado ao sector profesional, favorecendo que os expositores poidan dirixir dun modo máis óptimo a súa oferta de produtos e servizos, diversificándose en función do diferente público obxectivo. A fin de semana do 25 e 26 manterase para o público xeral.

Como obxectivo deste ano a feira busca dar o salto internacional, para o que contarán con poñentes e expositores de referencia a nivel mundial tendo participantes chegados dos Estados Unidos ou do Reino Unido entre outros, dándolle unha visibilidade maior ao evento e que esperan repercuta en novas oportunidades de negocio para as empresas e makers participantes.

Coa divulgación dos proxectos a través do Movemento Maker, a Galicia Maker Faire busca que medre a inquietude por innovar, xerando un punto de contacto para a transmisión de coñecemento entre as distintas xeracións.

Tour tecnolóxico Maker

Foi inabarcable a pasada edición da Maker Faire en Compostela. Áreas científicas, técnicas, artísticas, profesionais, experimentais, colaborativas, educativas, empresariais todas representan unha festa da innovación. Os 183 proxectos conquistaron aos asistentes e moi en especial ao público infantil.

A posta en escena dos mozos de Scienceffect, da Universidade de Santiago foi total. Enfundados nas súas batas brancas mostraron as súas investigacións cun entusiasmo contaxioso. Mostraron tres áreas de acción: investigación científica, contacto con organismos científicos internacionais e divulgación, como era o caso. investigaron sobre o efecto das ondas ERS non ionizantes de 2,4gH sobre as lentellas, o cal dá moitas pistas sobre o seu posible efecto nos nosos corpo. Tamén presentaron investigacións como é a do T.P.E.C, no que se estudan as posibles aplicacións das células dendríticas respecto da prevención e tratamento de enfermidades infecciosas. A súa idea é preparar vacinas a futuro contra o HIV e o cancro.

SpainLabs mostrouse como o gran foro científico en liña maker de España cuns 4000 usuarios e case medio millón de visitas mensuais nese momento. Os seus usuarios están en España, Estados Unidos, Francia, Brasil, UK e por Latinoamérica con importante participación de Arxentina e Colombia. A idea é traballar a robótica, impresión 3D, fresadoras CNC, máquinas de control numérico, radio control (drons, robótica) e compra venda de pezas de intercambio, o internet das cousas, arduino, raspberry e láser CNC. “Todo este mundo, -din-, fará que desaparezan moitos traballos, pero tamén farán que aparezan moitos outros, só hai que reinventarse”.A Universidade de Vigo demostrando que o futuro xa está aquí. O uso dos drons sorprende cada vez máis con múltiples e variadas aplicacións. Na Uvigo, hai anos xurdiu unha spin off de xeotecnoloxía aplicada e que se adiantaba ás necesidades de conservación de enerxía, prioritario para a humanidade. Applied Geotechnologies Research Group (AG) é agora esa empresa. Aportaron diversas tecnoloxías para a optimización da calor, a luz, e o frío nos edificios. Entre as súas ferramentas desenvolvementos como LiDAR, GNSS, Ground Penetrating Radar, IR Thermography, Unmanned vehicles, GIS-3D, BIM, Computer Vision, Vision metrology, Numerical Modelling. Con elas pódese, por exemplo, usar drons para estudar o consumo enerxético das casas e as perdas detectadas desde fóra por espectro de calor exterior. Tamén anuncian que as medicións de edificios pronto serán pasado. Os drons fan o traballo.

Éxito de público e diversión con Hypercube, circuítos e experiencias que achegan unha formidable e antiga tecnoloxía a todos, dotando ao gran público dos medios necesarios para elaborar os seus propios instrumentos musicais modulares analóxicos. Estes instrumentos, en forma de cubos -ou non!-, poden conectarse entre si sen necesidade de cables, o que proporciona ao intérprete unha gran liberdade para construír a súa propia música mentres improvisa.

Microsoft tamén estivo e demostrou como aínda co sistema operativo propietario, participa en GibHub en iniciativas abertas e de software libre que permite por exemplo, a construción de pequenas plantas meteorolóxicos para sitios con necesidades específicas, previr pequenos danos en equipos ou seguimiento de pacientes na casa.

As innovacións chegaron tamén da man de varios IES que crearon montañas rusas en madeira, molinos de vento en miniatura e ata unha pantalla táctil con led infravermello, dixital e interactiva feita con materiais totalmente caseiros do IES Ramón Otero Pedrayo. Xurdiu mentres xogaban coa videoconsola e meditaban sobre o uso dos dous puntinos infravermellos do equipo.

Un super stand foi o protagonizado por BricoLabs, Escornabot, os seus drons e robots chegados desde Coruña deron conta dunha potente comunidade curiosa e cun gran desenvolvemento de retos construtivos. Foi un stand que convocou un elevado número de visitantes interesados polos aparellos conseguidos nos seus talleres e capaces de facer unha gran cantidade de funcionalidades. Iso sen falar da sala de proxeccións 3D que permitía ver reprodución de obxectos e persoas en tempo real con holografía. O espazo congregou a gran cantidade de usuarios interesados en ver a Obi Wan Kenobi nunha reprodución virtual.

Sorprendente o conseguido por Lupeón no campo da impresión 3D, un mundo de posibilidades para o traballo de prototipado de proxectos, antes costosísimos pola necesidade de facer o molde dos novos proxectos, un traballo que veu alixeirar a impresión de tres dimensións facilitando o testeo e marketing de novos produtos, solucións en medicina, etc.

Tamén estiveron os estudantes da UVIGO, facendo as delicias dos mozos con coches feitos en tetrabrik por circuítos, os enxeñeiros de obras públicas permitindo ao público aprender a facer formigón, a fotografía estenopeica e analóxica, os robots de Neukos. En fin tantos que só podemos invitar a reencontrarse con moitos deles na próxima Galicia Maker Faire, no Pazo de Congresos os días 1 e 2 de outubro.

Autora: @eudelcastillo