By carmela2, Xul 5, 2019
Xogos educativos, libros para makers, kits de electrónica e ata un trofeo maker ou unha impresora 3D poden ser teus se participas nos nosos sorteos e concursos que terán lugar durante esta edición da Maker Faire Galicia.
- Sorteo Asitentes. Só por visitar a Maker Faire xa entras no sorteo de 8 xogos educativos para nenos/as e adultos/as ofrecidos por Chafarís, a tenda de xoguetes para desenvolver a imaxinación. https://www.chafaris.es/es/. Bases do sorteo aquí.
- Sorteo Votacións. Como nas pasadas edicións queremos saber cal é o teu Maker favorito. Para isto tenrás que votar na zona da saída introducindo o teu número de entrada. Así entrarás no sorteo dun kit de electrónica e Arduino máis o libro “Aprende Arduino” ofrecido por Marcombo para que poidas empezar a crear os teus propios proxectos. Bases do sorteo aquí.
- Competición Hebocon. A Hebocon é a competición de robots absurdos máis tola do mundo. Ao final de cada xornada poderás participar na competición co teu robot creado durante o obradoiro da feira ou na casa. Se o teu robot é o gañador obterás un pequeno trofeo e máis o libro “Empieza a crear!” ofrecido por Marcombo para que sigas creando grandes proxectos fóra da Maker Faire Galicia. (Esta competición tan tola non ten bases, pode pasar calquera cousa, pero atoparás as normas básicas da Hebocon aquí ;))
- Concurso Pitabots. Xa coñeces ás nosas famosas Pitabots, verdade? Crea a túa no obradoiro ofrecido por VermisLAB e colócaa na la zona correspondente para que tódolos/as asistentes da feira poidan velas e votar a súa favorita. Temos premios para as tres mellores Pitabots da feira! Podes ver as bases do concurso aquí.
- Rifa Impresora 3D. ¡Consegue a túa impresora 3D por solo 1€! Nos puntos de información poderás adquirir tickets para participar no sorteo dunha Impresora 3D AnetA8 para que poidas iniciarte no fascinante mundo da impresión 3D. Podes ver as bases do sorteo aquí.
A resolución dos concursos, os sorteos e a entrega de premios terá lugar o domingo ás 22:00 xunto coa entrega de premios ao/á mellor Maker da 5º edición da Maker Faire Galicia.
Un montón de premios estanche esperando. Moita sorte!