Dez proxectos finalistas que estarán expostos ao público durante toda a Xornada Profesional e que ademais serán presentados no escenario principal mediante a fórmula coñecida como “elevator pitch”, que fai referencia á habilidade de condensar unha mensaxe para conseguir chamar a atención de alguén en poucos segundos ou minutos, emulando o tempo que terías de presentarlle o teu proxecto ou idea nunha viaxe en ascensor a un posible inversor.
Os/as makers seleccionados/as terán 5 minutos exactos de tempo dispoñible, 3 para a presentación e 2 para preguntas por parte dos membros do xurado. O obxectivo é conseguir despertar a curiosidade do público especializado que acode á xornada e do que poden xurdir oportunidades futuras. Dito xurado de expertos, presidido por Inés Lusquiños, responsable de comunicación de Startup Galicia, valorará os proxectos elixindo os tres mellores, os cales serán premiados cun trofeo acreditativo e premios de 1000€, 500€ e 250 €.
Aquí vos deixamos a lista dos 10 proxectos finalistas:
Galicia Maker Faire, coa colaboración da Fundación Española para a Ciencia e a Tecnoloxía – Ministerio de Ciencia, Innovación e Universidades.